Rusiya Birləşmiş Ştatların Britaniya ərazisində nüvə silahı yerləşdirməsi ilə bağlı vəziyyəti izləyir və bu addım atılarsa, müvafiq reaksiya verəcək. Bu barədə Rusiya Federasiyasının Cenevrədəki BMT Bölməsi və digər beynəlxalq təşkilatlar yanında daimi nümayəndəsi Gennadi Qatilov “ Rossiya-24” telekanalının efirində bildirib.
“Biz bu məlumatı izləyirik. Söhbət, ola bilsin, Böyük Britaniyada Amerikanın nüvə silahı olan aviabazasının yenidən aktivləşdirilməsindən gedir. Həmçinin Baltikyanı ölkələrə, Polşaya nüvə silahının göndərilməsinin mümkünlüyü barədə də danışılır. Bütün bunlar belə bir vəziyyət yaradır. Biz bunu izləyirik, işlərin bu istiqamətdə necə getdiyini izləyirik. Təbii ki, belə olarsa, Rusiya buna uyğun cavab verməyə məcbur olacaq”, – diplomat bildirib. (Tass)