Qazaxıstan Prezidenti Kasım-Jomart Tokayev BMT baş katibinin müavini, tərksilah məsələləri üzrə ali nümayəndə İzumi Nakamitsu ilə görüşü zamanı respublikanın BMT-yə alternativsiz və universal beynəlxalq struktur kimi baxdığını bildirib. Bu barədə Qazaxıstan liderinin mətbuat xidməti məlumat yayıb.
Tokayev xatırladıb ki, avqustun 29-u Nüvə Sınaqlarına Qarşı Beynəlxalq Fəaliyyət Günü kimi qeyd olunur. “Bu, bütün bəşəriyyətə nüvə sınaqlarının və nüvə silahından istifadənin təhlükələrini xatırlatmaq üçün nəzərdə tutulmuş çox mühüm bir tarixdir və Qazaxıstan BMT təsisatları ilə sıx qarşılıqlı fəaliyyətə sadiqdir və bu təşkilatı alternativsiz və universal beynəlxalq struktur hesab edir”- Qazaxıstan prezidenti vurğulayıb.
Görüş zamanı Tokayev Qazaxıstanın “silahsızlaşdırma və kütləvi qırğın silahlarının yayılmaması ilə bağlı prinsipial mövqe” tutduğunu bildirib. “Bu məsələlər dünyada baş verən hadisələr kontekstində xüsusilə aktuallaşır.
Həmsöhbətlər Qazaxıstan və BMT təsisatları arasında regional və beynəlxalq təhlükəsizliyin təmin edilməsi, tərksilah və nüvə silahının yayılmaması sahəsində hərtərəfli əməkdaşlığın perspektivlərini müzakirə ediblər. (Tass)