Qazaxıstanın Böyük Britaniyadakı səfirliyi iğtişaşlar səbəbindən vətəndaşlara ölkənin bir sıra şəhərlərinə səfərlərdən çəkinməyi tövsiyə edib.
“Ölkənin bir sıra regionlarında vəziyyətin gərginləşməsi ilə əlaqədar Qazaxıstanın Böyük Britaniyadakı səfirliyi Qazaxıstan vətəndaşlarına müvəqqəti olaraq Rotherham, Bolton, Blackpool, Hull, Bristol, Stok-on-Trent, Belfast, eləcə də Mançester və Liverpul ətraflarında ölkədə vəziyyət sabitləşənə qədər bu şəhərlərə getməməyi tövsiyə edib, – səfirliyin saytında yerləşdirilən mesajda deyilir.
Hazırda bu yaşayış məntəqələrində yerləşən Qazaxıstan vətəndaşlarından gücləndirilmiş təhlükəsizlik tədbirlərinə riayət etmələri, sayıq və ehtiyatlı olmaları, insanların sıx toplaşdığı yerlərə getməmələri, son xəbərləri izləmələri, həmçinin səfirlik ilə əlaqə saxlamaları xahiş olunur. (Tass)