Qırğızıstan Silahlı Qüvvələrinin bölmələri qarşıdan gələn “Birlestik-2024” hərbi təlimlərində iştirak etmək üçün Qazaxıstana gəlib. Bu barədə Qırğızıstan Müdafiə Nazirliyi məlumat yayıb.
“Qırğızıstan Respublikası Silahlı Qüvvələrinin hərbi kontingenti 2024-cü il iyulun 17-də keçiriləcək “Birlestik-2024” beynəlxalq hərbi təlimlərində iştirak etmək üçün Qazaxıstan Respublikasının Manqistau vilayətinə gəlib.
Təlimlərdə Azərbaycan, Qazaxıstan, Qırğızıstan, Tacikistan və Özbəkistanın hərbi kontingentləri iştirak edəcək.
“Beş ölkənin hərbçiləri Oymaşa poliqonunda və Tokmak burnu yaxınlığındakı dəniz meydançasında “silahlı münaqişənin lokallaşdırılması” üçün birgə əməliyyat keçirəcəklər. Bu dəniz təhlükəsizliyinin təmin edilməsi və infrastrukturun qorunması üzrə əməliyyatdır”, – nazirlik qeyd edir. (Tass)