Qırğızıstan prezidenti Sadır Japarov ölkədə seçkilərdə onlayn səsvermənin tətbiqini nəzərdə tutan qanunu imzalayıb. Bu barədə Qırğızıstan dövlət başçısının mətbuat xidməti məlumat yayıb.
“Qanunda seçkilər zamanı məsafədən və elektron səsvermədən istifadə oluna biləcəyi nəzərdə tutulur. Məsafədən və elektron səsvermənin keçirilməsi barədə qərar seçkilər təyin edildikdə qəbul edilir”, – məlumatda deyilir. Bundan əlavə, yeni qanun birmandatlı seçki dairələri üzrə səsvermənin nəticələrinə əsasən milli parlamentin formalaşdırılmasını nəzərdə tutur. “Qanuna əsasən, Joqorku Keneş (Ali Şura) deputatlarının seçkilərini keçirmək üçün hər birində 3 deputat seçilməklə 30 çoxmandatlı ərazi seçki dairəsi yaradılır”, – mətbuat xidməti qeyd edir. İndiyədək Qırğızıstan parlamentinin deputatları qismən partiya siyahıları, qismən də birmandatlı dairələr üzrə seçilirdi. (Tass)