Fələstin Qızıl Aypara Cəmiyyəti Qəzza zolağındakı sağlamlıq vəziyyətindən narahatlığını ifadə edərək, anklavdakı dərman ehtiyatlarının 10 gün ərzində tükənəcəyi ilə bağlı xəbərdarlıq edib. Təşkilat bu barədə Əl Ərəbiyyə telekanalına açıqlama verib.
“Səhiyyənin vəziyyəti getdikcə faciəvi xarakter alır. Qəzza zolağında kəskin tibb işçiləri və dərman çatışmazlığı yaşanır. Dərman təchizatı 10 gün ərzində tükənəcək”, – telekanal Qızıl Ayparadan sitat gətirib.
Bu arada WAFA xəbər agentliyinin məlumatına görə , İsrail ordusu anklavla, eləcə də İordan çayının qərb sahilindəki şəhərlərlə sərhəddə keçid məntəqələrini bağlayır. Qəzza zolağındakı Əl-Şifa xəstəxanasının direktoru Al Arabiya-ya bildirib ki, tibb müəssisəsinin yanacaq ehtiyatı cəmi dörd gün davam edəcək. O, beynəlxalq təşkilatlara müraciət edərək, anklava dərman və yanacaq çatdırmaq üçün İsrailə təzyiq göstərməyə çağırıb. (Tass)