Qızılbaşın yaşadığı hər ölkədə bir Azərbaycan yaşayır. Qızılbaşlar yaşadıqları ölkələrdə Vətəni layiqincə təbliğ etmək üçün səylərini əsirgəmirlər.
AZƏRTAC xəbər verir ki, bu sözləri Qızılbaş Qlobal İrsi Təşkilatının (QQİT) sədri Babək Hüseynli noyabrın 27-də keçirilən “Azərbaycanda qızılbaş irsi: tarixin izi ilə” mövzusunda n beynəlxalq konfransda səsləndirib.
O, rəhbərlik etdiyi təşkilatın 3500-dən çox üzvü olduğunu və bu rəqəmin getdikcə böyüdüyünü diqqətə çatdırıb. Bildirilib ki, Avrasiya, Yaxın Şərq, Cənubi Asiya və Cənub-Şərqi Avropa regionlarından olan və 20-dən çox ölkəni təmsil edən qızılbaşlar icma kimi fəaliyyət göstərir.