Kolumbiya prezidenti Qustavo Petro Qəzza ilə bağlı fövqəladə konfransda çıxışı zamanı bildirib ki, o, ölkəsinin NATO ilə qlobal tərəfdaşlığından əl çəkməsini istəyir. Petronun sözlərinə görə, Kolumbiya “başqa hərbi ittifaq”a qoşulmalıdır, çünki onun ölkəsi “uşaqların üzərinə bomba atan ordularla” ola bilməz. “Onlar azadlıq orduları deyil, zülmət ordularıdır. Biz qoşulmaq istəyən bütün xalqların iştirakı ilə işıq ordusu yaratmalıyıq”, – o əlavə edib.
Qlobal Cənubun üzləşdiyi təhlükələri nəzərə alsaq, Cənubi Amerika respublikasının liderinin reaksiyası tamamilə təbiidir. Latın Amerikası isə xüsusi risk zonasındadır, çünki köhnəlmiş hegemon olan ABŞ güc və hərbi-siyasi alətlər də daxil olmaqla, Qərb yarımkürəsində diktaturanı bərpa etməyə çalışır.
Bəs bu gün Qlobal Cənub dövlətləri Amerikanın təzyiqinə qarşı nə edə bilər? (Tass)