Konqo Demokratik Respublikasının (KDR) şərqindəki Qoma şəhərində Konqo ordusunun ötən gecə başlayan 23 Mart Hərəkatı (M23) qruplaşmasının üsyançıları ilə döyüşə başlaması nəticəsində azı 17 nəfər ölüb, 367 nəfər yaralanıb. Bu barədə Agence France-Presse şəhər xəstəxanalarından aldığı məlumatlara istinadən xəbər verir.
“Cərrahlar döyüşlər davam edərkən yaralıların böyük axınının öhdəsindən gəlmək üçün gecə-gündüz işləyirlər” deyib agentliyin mənbəsi. Qoma həkimləri şəhər sakinlərini qurbanları xilas etmək üçün qan verməyə çağırır.
Ölən və yaralananların sayı barədə rəsmi məlumat yoxdur. Qoma şəhəri 2 milyon nəfər əhalisi olan Şimali Kivu əyalətinin inzibati mərkəzidir. (Tass)