Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə keçirilən “Qonaq Teatr” layihəsi çərçivəsində Naxçıvan Dövlət Milli Dram Teatrı Bakıda “Edama məhkumun son günü” (Viktor Hüqo) tamaşasını təqdim edəcək. Tamaşa noyabrın 20-də Teatr Xadimləri İttifaqında nümayiş olunacaq.
Teatr Xadimləri İttifaqından AZƏRTAC-a bildirilib ki, tamaşa Naxçıvan Teatrının 140 illik yubileyi münasibətilə hazırlanıb.
Səhnə əsərinin quruluşcu rejissoru Mir Qabil Əkbərov, quruluşcu rəssamı isə Səyyad Bayramovdur.