Tehran nüvə proqramının dinc xarakter daşıdığını sübut etmək üçün Beynəlxalq Atom Enerjisi Agentliyi (MAQATE) ilə əməkdaşlıq etməlidir. Bunu MAQATE-nin baş direktoru Rafael Qrossi İranın xarici işlər naziri Abbas Əraqçi ilə görüşündən sonra deyib.
“Agentliklə əməkdaşlıq diplomatiyanın böyük ehtiyac olduğu bir vaxtda İranın nüvə proqramının dinc xarakter daşıdığına dair tutarlı sübutlar təqdim etmək üçün lazımdır”, – o, X-də yazıb.
Aprelin 14-də İran xarici işlər nazirinin müavini Kazım Qəribabadi Qrossinin aprelin 16-da axşam saatlarında Tehrana gələcəyini və onun İran paytaxtında Əraqçi və İranın Atom Enerjisi Təşkilatının rəhbəri Məhəmməd Eslami ilə görüşünün planlaşdırıldığını bildirib.