Beynəlxalq Atom Enerjisi Agentliyinin (MAQATE) baş direktoru Rafael Qrossi Tehranın nüvə proqramı ilə bağlı ABŞ və İran arasında potensial razılaşmanın təminatları ilə bağlı “həll edilməmiş məsələlər” olduğunu bildirib.
“Son aylarda İran və ABŞ-la onların danışıqlarını dəstəkləmək üçün intensiv işləmişəm. MAQATE hər hansı yeni razılaşmanın yoxlanılmasında əvəzsiz rol oynayır. Biz əməkdaşlığa davam edirik, lakin həll edilməmiş təminat məsələləri qalır. İran elan olunmamış nüvə materiallarını və fəaliyyətlərini aydınlaşdırmaq üçün təcili olaraq texniki cəhətdən etibarlı cavablar verməlidir”, – Qrossi yazıb.
İyunun 8-də İranın Atom Enerjisi Təşkilatının sözçüsü Behrouz Kamalvəndi bildirib ki, əgər təşkilatın Rəhbərlər Şurası İranın nüvə proqramı ilə bağlı mənfi qətnamə qəbul edərsə, Tehran MAQATE ilə münasibətlərinə yenidən baxa bilər. (Tass)