Beynəlxalq Atom Enerjisi Agentliyi (MAQATE) İranla danışıqlarda müsbət nəticə əldə etmək üçün ABŞ prezidentinin nümayəndəsi Stiven Vitkoffla əlaqə saxlayır. Bu barədə agentliyin baş direktoru Rafael Qrossi bildirib.
“İranın nüvə sazişinin etibarlı olması üçün o, MAQATE tərəfindən nəzərdən keçirilməlidir. İranın sözlərini dinləməyimiz və həmçinin İranın gözləntilərinin nə olduğunu görməmiz vacibdir. Mən həmçinin agentliyin danışıqlarda müsbət nəticə əldə etməyə necə kömək edə biləcəyini öyrənmək üçün ABŞ danışıqlarçısı ilə danışıram” deyib.
Qrossi aprelin 16-da Tehrana gəlib və orada artıq İranın xarici işlər naziri Abbas Əraqçi və İslam Respublikasının Atom Enerjisi Təşkilatının rəhbəri Məhəmməd Eslami ilə danışıqlar aparıb. Əraqçi çərşənbə günü Beynəlxalq Atom Enerjisi Agentliyinin (MAQATE) baş direktoru Rafael Qrossi ilə görüşündə MAQATE-ni bəzi dövlətlərin göstərməyə çalışdığı təzyiqlərə boyun əyməməyə çağırıb. (Tass)