BMT Təhlükəsizlik Şurası tərəfindən noyabrda qəbul edilmiş Fələstin-İsrail münaqişəsi ilə bağlı humanitar qətnamə hazırda qüvvədə deyil və yerdəki şərtlər hər hansı əhəmiyyətli humanitar yardımın göstərilməsinə mane olur. Bu barədə BMT-nin baş katibi Antonio Quterreş Təhlükəsizlik Şurasının sədrinə məktubunda bildirib.
“Mövcud şərtlər heç bir mühüm humanitar əməliyyata imkan vermir. Bununla belə, biz [BMT Təhlükəsizlik Şurasının Qəzza ilə bağlı qətnaməsi]nin icrasına nəzarət etmək üçün variantlar hazırlayırıq, baxmayaraq ki, hazırkı şəraitdə bunun qeyri-mümkün olduğunu qəbul edirik”, – yayılan məktubda deyilir.