BMT-nin baş katibi Antonio Quterreş İsrail hakimiyyətini dünya təşkilatının əməkdaşlarına hücumları, onun rəsmiləri və strukturlarına qarşı dezinformasiyaların yayılmasını dayandırmağa çağırıb.
Quterreş BMT Təhlükəsizlik Şurasının iclasında deyib: “İsrail hakimiyyətini BMT personalına və əmlakına hücumları dayandırmaq, BMT rəsmiləri və qurumlarına qarşı dezinformasiyanın yayılmasını dayandırmaq, viza və satınalma ərizələrinin təsdiqini sürətləndirmək üçün mümkün olan hər şeyi etməyə çağırıram”.
O, həmçinin bəyan edib ki, “bütün tərəflər humanitar personalı qorumaq və mülki obyektlərin hərbi məqsədlər üçün istifadə edilməməsini təmin etmək üzrə öz öhdəliklərinə hörmət etməlidir”. (Tass)