Azərbaycan tolerantlığın, multikulturalizmin vətənidir. Bu siyasətin əsası Ümummilli Lider Heydər Əliyev tərəfindən qoyulub.
AZƏRTAC xəbər verir ki, bu sözləri Beynəlxalq Multikulturalizm Mərkəzinin icraçı direktoru Rəvan Həsənov noyabrın 15-də Bakıda keçirilən “Heydər Əliyev siyasəti: tolerantlıq” mövzusunda konfransda deyib.
R.Həsənov bildirib ki, tolerantlıq bizim milli sərvətimizdir və Ulu Öndər Heydər Əliyev tərəfindən bizə miras qalıb. Bu mirası qoruyub saxlamaq bizim borcumuzdur.