Bolqarıstan prezidenti Rumen Radev və Macarıstanın baş naziri Viktor Orban Ukraynada diplomatiya yolu ilə sülhə nail olmağın vacibliyini vurğulayıblar. TASS müxbirinin verdiyi məlumata görə, liderlərin bəyanatı Orbanın işgüzar səfərdə olduğu Sofiyadakı ikitərəfli danışıqların yekunlarından sonra verilib.
“Biz əminik ki, Avropa üçün prioritet diplomatiyanın aparıcı rolu ilə sülhə nail olmaqdır. Sülh olmadan biz təhlükəsizlik və davamlı sosial-iqtisadi inkişafdan danışa bilmərik”, – Radev bildirib. Bolqarıstan Prezidenti geosiyasi prosesləri və çağırışları düzgün qiymətləndirdiyinə, ölkəsinin və Avropanın inkişafına aydın baxışına, mövqelərini müdafiə etməkdə göstərdiyi cəsarətə və güclü liderliyinə görə Orbana təşəkkür edib.
“Sülh mövzusu Avropanın rəqabət qabiliyyətinin artırılması, Avropa vətəndaşlarının rifahının ümumi siyasətin diqqət mərkəzində saxlanılması, qeyri-qanuni miqrasiya ilə effektiv mübarizə, xristian və ailə dəyərlərinin möhkəmləndirilməsi ilə yanaşı, Avropa liderləri üçün aparıcı mövzu olmalıdır”, – Radev əlavə edib. . O vurğulayıb ki, Bolqarıstan bundan sonra da enerji sahəsində, Mərkəzi və Şərqi Avropadakı müttəfiqlər və tərəfdaşlar üçün enerji resurslarının təchizatı və şaxələndirilməsi təhlükəsizliyinin təmin edilməsində etibarlı tərəfdaş olacaq.
Orban açıqlamasında ikitərəfli əməkdaşlığın inkişafına diqqət çəkib. “Bolqarıstan həmişə Macarıstanın enerji təhlükəsizliyinin təmin edilməsində əsas ölkə olub, xüsusən də Ukraynada çox dəyişmiş münaqişə başlayandan” – Macarıstanın baş naziri vurğulayıb. (Tass (