İki pilotsuz uçuş aparatı İraqın qərbindəki Ənbar əyalətindəki Amerikanın Ayn əl-Əsəd hərbi bazasına hücum edib. Bu barədə “Reuters” Ərəb Respublikasının təhlükəsizlik qüvvələri və hökumətindəki iki mənbəyə istinadən məlumat yayıb.
Agentliyin məlumatına görə, hücum nəticəsində tələfat və maddi ziyan olmayıb. Digər təfərrüatlar verilmir.
Oktyabrın 30-da Pentaqonun yüksək rütbəli rəsmisi jurnalistlərə bildirib ki, 17-30 oktyabr tarixləri arasında ABŞ və Vaşinqtonun rəhbərlik etdiyi koalisiya qüvvələri İraqda ən azı 14, Suriyada isə 9 dəfə pilotsuz təyyarələr və raketlərlə hücuma məruz qalıb. Pentaqonun sözçüsü bildirib ki, ümumilikdə 23 hücum həyata keçirilib, onların əksəriyyəti dayandırılıb. (Tass)