ABŞ ordusu Konqresdən Ukrayna və İsrailə tədarük nəticəsində tədarükü tükənmiş 155 mm-lik artilleriya mərmilərinin istehsalını genişləndirmək üçün 3,1 milyard dollar istəyib. Bu barədə ordu katibinin satınalma, logistika və texnologiya üzrə köməkçisi Duqlas Buş məlumat verib.
“Maliyyələşdirmə istehsal xətlərini genişləndirəcək, Amerika iqtisadiyyatını gücləndirəcək və yeni iş yerləri yaradacaq” deyib.
Buşun sözlərinə görə, bu məbləğin təxminən yarısının istehsal gücünün artırılmasına, qalan hissəsinin isə birbaşa döyüş sursatlarının alınmasına yönəldiləcəyi gözlənilir. O, əlavə edib ki, 155 mm-lik mərmilər istehsal etmək üçün Virciniya, Kaliforniya, Tennessi və Texas da daxil olmaqla bir sıra ştatlarda sənaye obyektlərini təkmilləşdirməyi və ya tikməyi planlaşdırır.
Reuters-in qeyd etdiyi kimi, ABŞ və müttəfiqləri Kiyevə müvafiq çaplı 2 milyondan çox mərmi verib. Bundan əlavə, Vaşinqton Yaxın Şərqdə münaqişənin kəskinləşməsi fonunda İsrailə hərbi yardımın çatdırılmasını təşkil edib. Belə şəraitdə Qərb ölkələri öz ehtiyacları üçün istifadə oluna biləcək sursat ehtiyatlarını tükəndiriblər. Bununla əlaqədar, ABŞ 2025-ci ilə qədər 155 mm-lik artilleriya mərmilərinin aylıq istehsalını 100 minə çatdırmağı planlaşdırır. (Tass(