Reuters-in mənbələrə istinadən verdiyi məlumata görə, ABŞ ordusu İrandan mümkün hücumla əlaqədar Qətərdəki Əl-Udeid aviabazasından döyüş təyyarələrinin bir hissəsini yenidən yerləşdirir.
Onların məlumatına görə, ABŞ Yaxın Şərqdəki hərbi bazalarından İsraillə münaqişənin gərginləşəcəyi təqdirdə İranın hücumlarına məruz qala biləcək bəzi təyyarə və gəmilərini geri çəkib. Agentliyin həmsöhbətlərindən biri bildirib ki, Əl-Udeid aviabazasında mühafizəsiz anqarlarda olan hərbi təyyarələr başqa yerlərə köçürülüb.
Qətər ABŞ-ın Yaxın Şərqdəki ən böyük hava bazası olan Əl Udeid Hava Bazasına ev sahibliyi edir və burada ABŞ Mərkəzi Komandanlığının (CENTCOM) əməliyyat qərargahı yerləşir. Bundan əvvəl ABŞ-ın Qətərdəki səfirliyi bölgədəki qeyri-sabitlik fonunda diplomatik missiyanın əməkdaşlarına “sayıqlığı artırmağı və Əl Udeyd aviabazasına girişi müvəqqəti məhdudlaşdırmağı” tövsiyə edib, həmçinin Amerika vətəndaşlarını ehtiyat tədbirləri görməyə çağırıb.
Associated Press (AP) agentliyinin peyk görüntülərinə istinadən verdiyi məlumata görə, ABŞ Hərbi Dəniz Qüvvələri bütün döyüş gəmilərini ABŞ Beşinci Donanmasının qərargahının yerləşdiyi Bəhreyndəki bazadan çıxarıb. Eyni zamanda, AP qeyd edir ki, gəmilərin dağıdılması təhlükənin artması halında donanmanın təhlükəsizliyini təmin etmək üçün ümumi tədbirdir. Bundan əvvəl İranın Mehr agentliyi xəbər verib ki, Tehran İslam Respublikasının yəhudi dövlətinə qarşı hücumlarının dəf edilməsində İsrailə yardım göstəriləcəyi təqdirdə, onların Yaxın Şərq və Fars körfəzi ölkələrindəki hərbi obyektlərinin İranın zərbələrinin hədəfinə çevriləcəyi barədə Böyük Britaniya, ABŞ və Fransanın hakimiyyət orqanlarına rəsmi məlumat verib. (Tass)