Britaniya hakimiyyəti Rusiya hərbi attaşesini ölkədən qovacaq, rusların diplomatik vizalar almasına yeni məhdudiyyətlər tətbiq edəcək, həmçinin Rusiya Federasiyasına məxsus bəzi daşınmaz əmlakların diplomatik statusunu ləğv edəcək. Bunu Britaniya parlamentinin İcmalar Palatasında çıxış edən Krallığın Daxili İşlər Nazirliyinin rəhbəri Ceyms Kleverli bəyan edib və bu addımı Londonun Moskvaya “güclü çəkindirici siqnal” adlandırıb.
“Hərbi kəşfiyyat xidmətinin üzvü olan və statusunu elan etməyən Rusiya hərbi attaşesini ölkədən çıxaracağıq. Londonun Highgate-dəki ticarət və hərbi attaşe ofisindən kəşfiyyat məqsədləri üçün istifadə edildiyinə inanırıq, biz də ruslar üçün diplomatik vizalara yeni məhdudiyyətlər tətbiq edirik”. Onun sözlərinə görə, yeni məhdudiyyətlər Rusiya xüsusi xidmət orqanlarının krallıqda fəaliyyət göstərmək imkanlarını məhdudlaşdırmalıdır.
Rusiyanın Böyük Britaniyadakı səfirliyi Daxili İşlər Nazirliyi rəhbərinin açıqlamalarını şərh etmir. (Tass)