İran ABŞ-ın Tehranın nüvə proqramı ətrafında vəziyyətin nizamlanması təklifini rədd etmək niyyətindədir. Bu barədə iranlı diplomata istinadən Reuters agentliyi məlumat yayıb.
“İran ABŞ-ın təklifinə mənfi cavab hazırlayır, bu, Amerikanın təşəbbüsünün rədd edilməsi kimi qiymətləndirilə bilər”, – agentliyin İranın danışıqlar qrupuna yaxın mənbəsi bildirib. O qeyd edib ki, ABŞ İranın uranın zənginləşdirilməsini davam etdirmək istəyi ilə bağlı mövqeyini yumşaltmayıb. İranlı diplomatın sözlərinə görə, Vaşinqtonun təklifi “açıq-aydın həyata keçirilə bilməz” və Tehranın maraqlarını nəzərə almır.
Bundan əvvəl Ağ Evin mətbuat katibi Caroline Leavitt bildirib ki, ABŞ prezidentinin xüsusi nümayəndəsi Stiven Vitkoff Tehranın nüvə proqramı ilə bağlı fikir ayrılıqlarının həlli üçün İran hakimiyyətinə ətraflı və məqbul təklif göndərib. İslam Respublikası Xarici İşlər Nazirliyinin rəsmi nümayəndəsi İsmail Bəqayinin sözlərinə görə, Amerika tərəfi müzakirə olunan nüvə sazişi çərçivəsində İrana sanksiyaların ləğvi ilə bağlı zəmanəti hələlik təqdim etməyib. İSNA xəbər agentliyinin verdiyi məlumata görə, İran ABŞ-ın təklifini qəbuledilməz hesab edir. (Tass)