İran və ABŞ nümayəndə heyətləri Omanın paytaxtı Maskatda keçirilən dolayı danışıqlarda İslam Respublikasının nüvə proqramını məhdudlaşdırmaq müqabilində Tehrana qarşı sanksiyaların yumşaldılmasını müzakirə edirlər. Bu barədə “Reuters” mənbəyə istinadən məlumat yayıb.
Onun sözlərinə görə, İran və ABŞ nümayəndələri arasında məsləhətləşmələrin məqsədi regionda gərginliyin azaldılması, əsirlərin mübadiləsi və İranın nüvə proqramına “nəzarət” müqabilində sanksiyaların yumşaldılmasıdır. Agentliyin mənbəsi danışıqların başqa təfərrüatlarını açıqlamayıb.