İsrailin orta rütbəli rəsmilərindən ibarət nümayəndə heyəti yaxın saatlarda Qahirəyə gedəcək və orada Fələstinin radikal HƏMAS hərəkatının nümayəndələri ilə görüşəcək, Reuters xəbər verir.
O, yüksək səviyyəli İsrail mənbələrinə istinadən qeyd edir ki, yəhudi dövlətinin “orta səviyyəli elçiləri” Misirdəki ilkin danışıqlar zamanı hərəkatın İsrail tərəfindən formalaşdırılmış yeni barışıq şərtləri ilə razılaşmağa hazır olduğunu qiymətləndirməli olacaqlar. Görüşün müsbət nəticəsi olarsa, İsrail yüksək səviyyəli nümayəndə heyəti göndərmək niyyətindədir. Eyni zamanda, Fələstin tərəfinin irəli sürdüyü atəşkəs şərtləri yəhudi dövləti tərəfindən hazırkı formada qəbuledilməz hesab edilib, nəşr qeyd edir. (Tass)