Nigeriyanın şimal-qərbində silahlılar ordu düşərgəsinə hücum edərək hökumət qüvvələrini müvəqqəti olaraq oranı tərk etməyə məcbur ediblər. Bu barədə “Reuters” yerli sakinlərə istinadən məlumat yayıb.
Onların sözlərinə görə, silahlı qrup Nahuta kəndi yaxınlığındakı düşərgəyə hücum edib. Orada yerləşən ordu və polis bölmələri qaçıblar. Atışma və ya mümkün itkilər barədə məlumat yoxdur.
Agentlik qeyd edir ki, yaraqlılar düşərgəyə daxil olaraq mağaza və evləri qarət etməyə başlayıblar. Onun sözlərinə görə, düşərgədə yerləşən hərbi texnikanı da yandırıblar. (Tass)