Qətər İsrail və Fələstinin Həmas hərəkatının nümayəndələrinə Qəzza zolağında atəşkəs rejiminin tətbiqi və radikallar tərəfindən saxlanılan girovların azad edilməsinə dair yekun saziş layihəsini təhvil verib. Bu barədə “Reuters” mənbəyə istinadən məlumat yayıb.
Agentliyin həmsöhbətinin sözlərinə görə, yanvarın 12-də axşam Qətərin hökumət başçısı və xarici işlər naziri Məhəmməd bin Əbdül Rəhman Əl Tani İsrail kəşfiyyat xidmətinin Mossad rəhbəri David Barnea və ABŞ-ın yeni seçilmiş prezidenti Trampın Yaxın Şərq üzrə xüsusi nümayəndəsi Stiven Vitkoffla danışıqlar aparıb. Mənbə bildirib ki, gecə yarısından sonra Dohadakı məsləhətləşmələrdə irəliləyiş əldə olunub. (Tass)