Vatikan 12 il katoliklərin ruhani lideri vəzifəsini icra edən Vatikanın dövlət başçısı Papa Fransiskin bu gün səhər yerli vaxtla saat 07:35-də dünyasını dəyişdiyini açıqlayıb.
Kardinal Cozef Farrell açıqlamasında deyib: “Əziz qardaşlar və bacılar, dərin kədər hissi ilə Müqəddəs Atamız Fransiskin vəfatını elan etməliyəm. Bu səhər saat 07:35-də Papa Fransisk Allahın evinə qayıtdı. O, bütün həyatını Tanrıya və Kilsəyə xidmətə həsr etdi. O, bizə ümumbəşəri dəyərlərlə yaşamağı öyrətdi”.
Fevral və mart aylarında yoluxduğu ikitərəfli pnevmoniyadan 38 gün müalicə alan Roma Gemelli Xəstəxanasından martın 23-də evə buraxılan Papa Fransisk bir müddətdir sağalmağa başlayıb.
2013-cü ilin mart ayında sələfi Papa XVI Benediktin tarixi istefasından sonra katolik dünyasının 266-cı Papası seçilən Papa Fransisk 12 ildən artıq vəzifədə olub.