ABŞ dövlət katibi Marko Rubio Çinin xarici işlər naziri Vanq Yi ilə telefon danışığı zamanı Vaşinqton və Pekin arasındakı münasibətlərin beynəlxalq arenada ən önəmlisi olduğu və dünyanın gələcəyini formalaşdıracağı fikrini bildirib.
“ABŞ və Çin iki böyük gücdür, Birləşmiş Ştatlar və Çin arasındakı münasibətlər 21-ci əsrdə ən mühüm ikitərəfli əlaqələrdir və bu, dünyanın gələcəyini müəyyənləşdirəcək” deyib Rubio.
Rubio əlavə edib ki, Vaşinqton Pekinlə səmimi ünsiyyət qurmağa, fikir ayrılıqlarını düzgün həll etməyə, ikitərəfli münasibətləri diqqətlə idarə etməyə, qlobal çağırışlara birgə cavab verməyə və dünyada sülh və sabitliyi qorumağa hazırdır.
Dövlət katibi həmçinin bildirib ki, ABŞ Tayvanın müstəqilliyini dəstəkləmir və ümid edir ki, Tayvan məsələsi Tayvan boğazının hər iki tərəfi üçün məqbul, sülh yolu ilə həll oluna bilər. (Tass )
