Rumıniya Müdafiə Nazirliyinin monitorinq və izləmə sistemləri yanvarın 17-də səhər Tulça qraflığında Rumıniya ilə sərhəd yaxınlığında Rumıniyanın hava məkanının pozulması faktını qeydə alıb. Bu barədə ölkənin hərbi idarəsi məlumat yayıb.
“Bununla əlaqədar olaraq, saat 1:35-dən ( Bakı vaxtı ilə 3:35) başlayaraq, Rumıniya Hərbi Hava Qüvvələrinə məxsus iki F-16 təyyarəsi hava polisinin döyüş növbətçiliyində olan Borcedəki 86-cı aviabazadan havaya nəzarət etmək üçün havaya qalxıb. Təyyarələr 3:48 ( Bakı vaxtı ilə 5:48) radələrində bazaya qayıdıb.
Eyni zamanda, Tulcea qraflığının əhalisi təxminən saat 1:45-də ( Bakı vaxtı ilə 3:45) RO-Alert həyəcan siqnalı ilə xəbərdar edilib Saat 3:30-da ( Bakı vaxtı ilə 5:30) həyəcan siqnalı ləğv edilib.
“Müdafiə Nazirliyinin əməkdaşlarının qrupları ərazidə axtarış aparıb və sərhəddən çox uzaqda olan Plauru kəndi yaxınlığında (Katalkei və Tudor Vladimiresku kommunaları arasında) mümkün PUA-nın qəzaya uğramasının izlərini aşkar ediblər”, – hərbi idarə qeyd edir. Zonada təhlükəsizlik tədbirləri tətbiq edilib, Müdafiə Nazirliyi, Rumıniya İnformasiya Xidməti (Dövlət Təhlükəsizliyi) və Daxili İşlər Nazirliyinin mütəxəssisləri qəbul edilmiş prosedurlara uyğun olaraq sübutlar toplayacaq və araşdırma aparacaq”. (TASS)
