Vaşinqtonun Nevada nüvə poliqonunda keçirdiyi sınaqlar təxribatdır. Bu fikri hərbi ekspert İvan Konovalov deyib.
“ ABŞ sınaqlar keçirə biləcəyi anı gözləyirdi və eyni zamanda bunu etməyə məcbur olduğunu iddia etdi. Vaşinqtonun Rusiyaya münasibətdə və beynəlxalq təhlükəsizliklə bağlı etdiyi hər şey təxribatdır. ABŞ-ın hərəkətləri həmişə kiməsə qarşı yönəlib”, – deyə o, izah edib.
Ekspert qeyd edib ki, Vaşinqton ABŞ-ın nüvə proqramını genişləndirməyə davam edəcək. Onun fikrincə, hazırda nüvə təhlükəsizliyi beynəlxalq məsələ olmaqdan çıxıb və ABŞ sayəsində hər bir ayrı-ayrı ölkəni narahat edən məsələyə çevrilib.
Bundan əvvəl ABŞ Energetika Nazirliyi Vaşinqtonun oktyabrın 18-də Nevada ştatında sınaqlar keçirdiyi barədə məlumat vermişdi. Söhbət kimyəvi yeraltı partlayışdan gedir. Sınaqlar Rusiya parlamentinin aşağı palatasının dərhal ikinci və üçüncü yekun oxunuşda Nüvə Sınaqlarının Hərtərəfli Qadağan edilməsi Müqaviləsi (CTBT) ratifikasiyasını ləğv edən qanun layihəsini qəbul etdiyi gün baş tutub. (Lenta.ru)