Rusiya Belarusla hərbi kadrların birgə hazırlanması üçün döyüş hazırlığı mərkəzlərinin yaradılması və fəaliyyəti haqqında sazişi ratifikasiya edib. Müvafiq qanunu Rusiya prezidenti Vladimir Putin imzalayıb, sənəd rəsmi hüquqi informasiya portalında dərc olunub.
2023-cü ilin martın 28-də Minsk şəhərində imzalanmış Rusiya Federasiyası ilə Belarus Respublikası arasında Rusiya Federasiyası və Belarus Respublikası silahlı qüvvələrinin hərbi qulluqçularının birgə hazırlığı üçün döyüş hazırlığı mərkəzlərinin yaradılması və fəaliyyəti haqqında Saziş təsdiq edilsin sənəddə deyilir.
Dövlət Duması dekabrın 5-də sazişin ratifikasiyası haqqında qanunu qəbul edib, bir neçə gün sonra isə Federasiya Şurası onu təsdiqləyib. Sənəd tərəflərdən birinin ərazisində hərbi hissə əsasında birgə döyüş hazırlığı mərkəzlərinin yaradılması və fəaliyyəti üzrə Rusiya və Belarus arasında qarşılıqlı fəaliyyət qaydasını müəyyən edir. (Nevs.ru)