Rusiyanın Aerokosmik Qüvvələri (VKS) və Suriyanın Hərbi Hava Qüvvələri (HHQ) cihadçıların hücumunu dəf edərkən, bir gündə Suriyanın üç vilayətində 200-ə qədər yaraqlını məhv edib. Bu barədə brifinqdə Rusiyanın Suriya Ərəb Respublikasındakı Döyüşən Tərəflərin Barışıq Mərkəzinin rəis müavini, 1-ci dərəcəli kapitan Oleq İqnasyuk bildirib.
“Rusiya Aerokosmik Qüvvələri Suriya Ərəb Ordusuna terrorçuların təcavüzünü dəf etməkdə kömək etməkdə davam edir. Son 24 saat ərzində Rusiya Aerokosmik Qüvvələri və Suriya Hərbi Hava Qüvvələrinə məxsus təyyarələr əyalətlərdə silahlıların toplaşdığı yerlərə və silah-sursat anbarlarına raket və bombalı hücumlar həyata keçirib. İdlib, Həma və Hələbdə 200-ə qədər terrorçu və 15 döyüşçü məhv edilib, 2 reaktiv raket sistemi, 2 minaatan 43 ədəd avtomobil texnikası, 9 motosiklet, 15 pilotsuz uçuş aparatı, 2 idarəetmə məntəqəsi, 7 material anbarı” partladılıb. (Tass)