Rusiya prezidentinin mətbuat katibi Dmitri Peskov jurnalistlərə bildirib ki, Qəzzaya humanitar yardım indi asanlıqla çatdırılmır, Rusiya bu cür yardımı davam etdirmək üçün bütün tərəflərlə təmasları davam etdirəcək.
O qeyd edib ki, indi münaqişə zonasında təkcə Rusiya deyil, digər dövlətlər də humanitar yardım göstərir. “Ancaq təəssüf ki, yardım indi çox məhdud həcmdə yalnız Misir ərazisindən, çox məhdud rejimdə işləyən Rəfah keçid məntəqəsi vasitəsilə çatdırıla bilər və təəssüf ki, yardım lazımi səviyyədə çatdırıla bilmir. Rusiya tərəfi bu cür yardım göstərmək imkanını axtarmaqda davam etmək üçün fələstinlilər, israillilər və misirlilərlə bütün əlaqələri davam etdirəcək”, – Kreml sözçüsü bildirib. (Tass)
