Rusiya Federasiyası xarici işlər nazirinin müavini Sergey Verşinin türkiyəli həmkarı Burak Akçapar ilə Ukrayna ətrafında və Qara dəniz hövzəsindəki vəziyyəti, eləcə də Qəzza zolağında atəşkəs zərurətini müzakirə edib. Bu barədə Rusiya Xarici İşlər Nazirliyinin mayın 3-də İstanbulda keçirilən Rusiya-Türkiyə məsləhətləşmələri haqqında məlumatında deyilir.
“Ukrayna ətrafında, Qara dəniz hövzəsində mövcud vəziyyətə və münaqişənin ikitərəfli əsasda uzunmüddətli həlli üçün Qəzza zolağında qan tökülməsinə təcili son qoyulmasının vacibliyinə çox diqqət yetirilib”, nazirlik bildirib.
“Ukrayna ətrafında, Qara dəniz hövzəsində mövcud vəziyyətə və münaqişənin ikitərəfli əsasda uzunmüddətli həlli üçün Qəzza zolağında qan tökülməsinə təcili son qoyulmasının vacibliyinə çox diqqət yetirilib”, nazirlik bildirib.
Nazirlik qeyd edib ki, BMT-nin fəaliyyətinin ümumi məsələləri ətrafında geniş müzakirə aparılıb, onun əsas orqanlarının – Təhlükəsizlik Şurasının və Baş Assambleyanın işi, o cümlədən islahatlar və qarşıdan gələn Gələcək Zirvə Toplantısına hazırlıq məsələləri diqqət mərkəzində olub. Bundan əlavə, həmsöhbətlər Fələstin-İsrail və Kipr nizamlanması, Suriya və Liviyadakı vəziyyət kimi həssas regional problemlər, BMT-nin müvafiq strukturlarının mandatlarının yerinə yetirilməsi vurğulanaraq fikir mübadiləsi aparıblar.
“Bir sıra ikitərəfli məsələlər də müzakirə olunub”, – deyə Rusiya XİN-dən əlavə ediblər. (Tass)