Moskva İrəvanın Aİ-yə daxil olmaq istəklərindən narahatdır. Rusiya XİN rəhbərinin müavini Aleksandr Qruşko jurnalistlərə açıqlamasında bildirib ki, Qərb onu öz geosiyasi oyunlarına cəlb edərsə, Ermənistan Aİİ-nin faydalarını itirmək riski ilə üzləşir.
TASS-ın Moskvanın İrəvanın Aİ-yə daxil olmaq istəyindən narahat olub-olmaması ilə bağlı sualına Qruşko müsbət cavab verib. “Təbii ki, Ermənistanın Aİ-yə daxil olmaq istəkləri narahatlıq doğurur, çünki bu cür istəklər bu ölkənin Aİİ-yə üzvlüyü ilə bir araya sığmır və biz bu barədə erməni həmkarlarımızla çoxsaylı təmaslarımızda danışırıq”, – diplomat qeyd edib.
“Məlumdur ki, Aİİ-də iştirak sayəsində Ermənistan dinamik inkişaf edir və İrəvan üçün bütün əsas sahələrdə iqtisadi artım müşahidə olunur. Və bu, Ermənistanı Rusiyadan və digər təbii müttəfiqlərindən qoparmaq məqsədilə Qərbin onu geosiyasi oyununa cəlb edəcəyi təqdirdə Ermənistanın itirmək riski ilə üzləşdiyi böyük sərvətdir”, – nazir müavini vurğulayıb. (Tass)