Rusiya prezidentinin Yaxın Şərq və Afrika ölkələri üzrə xüsusi nümayəndəsi, Rusiya Xarici İşlər Nazirliyinin rəhbərinin müavini Mixail Boqdanov Fələstinin Moskvadakı səfiri Əbdül Hafiz Nofəl ilə görüşdə Rusiya tərəfinin tezliklə Qəzza zolağındakı münaqişənin həlli istiqamətində səylərini davam etdirməyə hazır olduğunu təsdiqləyib.
“Söhbət zamanı əsas diqqət davam edən intensiv hərbi əməliyyatlar fonunda Fələstin-İsrail qarşıdurması zonasındakı vəziyyətə və Qəzza zolağında deqradasiyaya uğrayan humanitar vəziyyətə yönəldilib.Qan tökülməsinə mümkün qədər tez son qoymağa yönəlmiş siyasi və diplomatik səyləri davam etdirməyə hazır olduqları, anklavın əziyyət çəkən sakinlərinə təcili yardımın göstərilməsinin vacibliyi vurğulanıb”, – Rusiya XİN-in bəyanatında deyilir. (Tass)