Rusiyanın İsraildəki səfiri Anatoli Viktorov Fələstinin HƏMAS radikal təşkilatının nümayəndə heyətinin Moskvaya səfəri ilə əlaqədar səhər saatlarında İsrail Xarici İşlər Nazirliyinə çağırılıb.
Bu barədə İsrail Xarici İşlər Nazirliyinin mətbuat xidməti məlumat yayıb.
“[İsrail] Xarici İşlər Nazirliyinin Avro-Asiya məsələləri üzrə baş direktorunun müavini, səfir Simone Halperin səfirə izah edib ki, İsrail Moskvanın HƏMAS terror təşkilatını birmənalı və aydın şəkildə qınamamasını çox ciddi qəbul edir: – bəyanatda deyilir. (Tass)