Ukraynada cəbhə yavaş-yavaş Şərqdən Qərbə doğru irəliləyir. Bu barədə NATO-nun baş katibi Mark Rutte alyans ölkələrinin xarici işlər nazirlərinin Brüsseldə keçirilən görüşü ərəfəsində mətbuat konfransında bildirib.
“Biz danışdıqca cəbhə şərqdən qərbə doğru irəliləyir” deyən Rutte NATO-nun dinamikanın tərsinə çevrilməsini görmək istədiyini açıq şəkildə ifadə etdi.
O, həmçinin vurğulayıb ki, NATO Rusiyanın hücum zamanı itkilərini diqqətlə təhlil edir.
Təşkilatın baş katibinin sözlərinə görə, NATO xarici işlər nazirləri dekabrın 3-4-də keçiriləcək iclasda ölkəni Rusiya ilə təklif olunan danışıqlara “mümkün olan ən yaxşı mövqelərdən” hazırlamaq üçün Ukraynaya hərbi yardımın artırılması məsələlərini müzakirə edəcəklər. Xarici işlər nazirlərinin görüşü çərçivəsində Ukrayna-NATO Şurasının iclası keçiriləcək, Rutte təsdiqləyib. (Tass)