“İkinci Qarabağ müharibəsi dövründə Fransa açıq-aydın Ermənistanın tərəfini tuturdu, elə bilirdi ki, Afrikada etdiklərini Cənubi Qafqazda da təkrarlayacaq”.
“Report” xəbər verir ki, bunu Azərbaycanın Türkiyədəki səfiri Rəşad Məmmədov Ankarada “Qarabağ zəfərindən sonra Azərbaycan” mövzusunda keçirilən paneldə çıxışı zamanı deyib.
“2015-2016-cı illərdə bilirdik ki, Azərbaycan öz torpaqlarını işğaldan azad etmək iqtidarındadır. O vaxtdan etibarən rəsmi Bakı məsələnin dinc yolla həlli üçün çağırışlar edirdi. Amma Ermənistan buna razı olmadı. 2016-cı ildə Aprel döyüşləri göstərdi ki, Ermənistanla müharibə bizim üçün çətin deyil. Təəssüf ki, Ermənistan həmin 4 günlük döyüşlərdən də nəticə çıxarmadı”, – səfir qeyd edib.