Azərbaycan Respublikasının Silahlı Qüvvələri tərəfindən Qarabağ iqtisadi rayonunda keçirilən lokal xarakterli antiterror tədbirləri zamanı şəhid olan Asim Abdullayevin qız övladı dünyaya gəlib.
Qəhrəman hərbi qulluqçumuzun döyüş yoldaşları şəhidin həyat yoldaşını və körpəni ziyarət edib, ailə üzvlərinə göz aydınlığı veriblər.
AZƏRTAC xəbər verir ki, bu barədə Müdafiə Nazirliyi məlumat yayıb.
Bildirilib ki, ziyarət zamanı şəhidlərimizin xatirəsinin hər zaman uca tutulduğu, ölkə rəhbərliyinin diqqət və qayğısı ilə daim əhatə olunduğu xüsusi vurğulanıb.
Qeyd edək ki, Azərbaycan Silahlı Qüvvələrinin kiçik çavuşu olan Asim Abdullayev Azərbaycan Ordusu tərəfindən həyata keçirilmiş uğurlu lokal antiterror tədbirləri zamanı sentyabrın 23-də Ağdərə rayonunda şəhid olub.