Şəkidə palıd ağacı qəbirin üzərinə aşıb, başdaşına ziyan dəyib.
“Report”un Şimal-qərb bürosunun məlumatına görə, hadisə şəhər ərazisində qəbiristanlıqlardan birində baş verib.
Belə ki, dünən axşam əsən güclü külək nəticəsində qəbiristanlığın ərazisində olan iri palıd ağacı qəbirlərdən birinin üzərinə aşıb.
Nəticədə qəbirin başdaşına ziyan dəyib. Ağacın budaqları ətrafda olan dəmir məhəccəri də zədələyib.