Azərbaycanda 2024-cü il sentyabrın 1-nə təyin olunan növbədənkənar parlament seçkilərində səsvermənin yeri və vaxtı barədə seçicilərə məlumatların verilməsinə dair bildirişlərin mətni, forması, sayı və hazırlanması qaydası təsdiq edilib.
APA-nın məlumatına görə, bu barədə məsələ Mərkəzi Seçki Komissiyasının bu gün keçirilən iclasında müzakirə edilib.
MSK-nın sədr müavini Rövzət Qasımov deyib ki, MSK seçicilərə göndərilməsi məqsədilə 6 milyon 516 min 567 bildirş çap edəcək. “Bildirşlərdə seçkilərə dair bütün məlumatlar lokanik şəkildə seçicilərə çatdırılır. Bildirişlər bu il də eyni qaydada hazırlanacaq və çap olunacaq. Bu dəfə də nəzərə alsaq ki, işğaldan azad edilmiş ərazilərdə ilk parlament seçkiləridir, həmin ərazilrə olan seçicilər üçün bildirişlər fərqli dizaynda hazırlansın”, – o deyib.
Azərbaycanda növbədənkənar parlament seçkiləri sentyabrın 1-nə təyin edilib.