ABŞ və Səudiyyə Ərəbistanı ikitərəfli müdafiə və təhlükəsizlik sazişləri ilə bağlı işlərin çoxunu tamamlayıb. Bunu Səudiyyə Ərəbistanının xarici işlər naziri, şahzadə Feysəl bin Fərhan Əl Səud Ər-Riyadda Dünya İqtisadi Forumunun xüsusi sessiyasında çıxışı zamanı deyib.
“Düşünürəm ki, biz [Səudiyyə Ərəbistanı krallığı ilə ABŞ arasında ikitərəfli razılaşmalara çox, çox yaxınıq. İşlərin əksəriyyəti artıq görülüb. Fələstin cəbhəsində baş verməli olduğunu düşündüyümüz şeylər üçün ümumi konturlarımız var. ” deyə Feysəl bin Fərhan müdafiə paktının bağlanması perspektivləri ilə bağlı suala cavabında bildirib.
Keçən sentyabrda Reuters xəbər vermişdi ki, Ər-Riyad Vaşinqtonla NATO-nun kollektiv təhlükəsizlik nizamnaməsinin 5-ci maddəsinə yaxın şərtlər əsasında müdafiə paktı bağlamaq üçün danışıqlar aparır, buna görə blokun bir üzvünə hücum bütün ölkələrə müharibə elan etməyə bərabərdir. Agentlik mənbələrinin məlumatına görə, təhlükəsizlik zəmanəti müqabilində Səudiyyə Ərəbistanı İsraillə tam diplomatik əlaqələr qura bilər. (Tass)