Səudiyyə Ərəbistanı Ukrayna böhranının həllinə yönəlmiş səyləri davam etdirməyə hazırdır. Bunu Səudiyyə Ərəbistanının vəliəhd şahzadəsi Məhəmməd bin Salman Əl Səud Ər-Riyadda ABŞ və Fars körfəzinin ərəb monarxiyalarının sammitində çıxışı zamanı deyib.
“Biz Krallığın Ukrayna böhranının həlli üçün siyasi həll yolunun tapılması səylərini davam etdirmək öhdəliyini bir daha təsdiqləyirik. Biz bu böhrana son qoymağa çalışan ABŞ prezidenti Donald Trampın səylərini də alqışlayırıq. Bugünkü sammit təhlükəsizlik və sabitliyin təmin edilməsi üçün regional və beynəlxalq məsələlər üzrə əməkdaşlığı və koordinasiyanı davam etdirmək öhdəliyimizi nümayiş etdirir”, – Vəliəhd bildirib. (Tass)