Fələstin-İsrail münaqişəsinin daha da genişlənməsi bütün Yaxın Şərq regionunu daş dövrünə qərq etmək təhlükəsi yaradır. Bu fikri CNN-ə Səudiyyə Ərəbistanının ABŞ-dakı səfiri şahzadə Rima bint Bəndər bin Sultan bin Əbdüləziz Əl Səud deyib.
“Bu, nə qədər çox davam edərsə, bizi daş dövrünə qaytaracaq bir səhvin olma ehtimalı bir o qədər yüksəkdir” deyib.
Diplomat atəşkəsin yaradılmasının zəruriliyini qeyd edib və Ər-Riyadın İsrailin təhlükəsizlik tələblərinə tam şərik olduğunu, lakin onların Fələstin əhalisinin həyatı bahasına həyata keçirilməməli olduğuna inandığını vurğulayıb.
Daha əvvəl NBC televiziyası mənbələrə istinadən xəbər vermişdi ki, ərəb ölkələri Qəzza zolağında ən azı bir ay davam edəcək və İsraillə Səudiyyə Ərəbistanı arasında münasibətlərin normallaşdırılmasını nəzərdə tutan humanitar fasilənin tətbiqini müzakirə edir. Normallaşmanın şərti İsrailin “Fələstin dövləti yaratmaq üçün geri dönməz addımlar atmağa” razılığı olacaq. (Tass)