Səudiyyə Ərəbistanının xarici işlər naziri şahzadə Feysəl bin Fərhan Əl Səud iranlı həmkarı Abbas Əraqçi ilə telefon danışığı keçirərək, İsrailin İslam Respublikasına hücumunu pisləyib və böhranın həlli üçün dialoqa çağırıb. Krallığın Xarici İşlər Nazirliyi müvafiq bəyanat yayıb.
“Telefon danışığı zamanı Əlahəzrət İsrailin İran İslam Respublikası ərazisinə açıq-aşkar hücumunu pisləyərək, gücdən istifadədən imtinanın zəruriliyini və fikir ayrılıqlarının həlli üçün dialoqun vacibliyini vurğuladı”, – Səudiyyə Ərəbistanı Xarici İşlər Nazirliyinin X saytında dərc olunan bəyanatında deyilir.