Sabirabad Rayon Polis Şöbəsinin əməkdaşları narkotik vasitələrin qanunsuz dövriyyəsini təşkil edən Əliş Hüseynovu saxlayıblar.
Daxili İşlər Nazirliyinin mətbuat xidmətinin Şirvan regional qrupundan AZƏRTAC-ın bölgə müxbirinə verilən məlumata görə, ondan satış məqsədilə əldə etdiyi, ümumilikdə, 1 kiloqrama yaxın narkotik vasitələr olan metamfetamin, marixuana və psixotrop tərkibli həblər aşkar edilərək götürülüb.
Faktla bağlı cinayət işi başlanılıb, Ə.Hüseynov barəsində məhkəmənin qərarı ilə həbs qətimkan təbiri seçilib.