“Türkiyə Cümhuriyyətinin 100 illiyi təkcə Türkiyənin deyil, həm də Azərbaycanın bayramıdır”.
“Report” xəbər verir ki, bunu Azərbaycan Milli Məclisinin sədri Sahibə Qafarova Ankarada Türkiyə Böyük Millət Məclisinin sədri Numan Kurtulmuşla görüşündə deyib.
O, Türkiyədə olmaqdan məmnunluğunu ifadə edib, iki ölkə arasında əlaqələrin önəmini vurğulayıb.
“Türkiyə Cümhuriyyətinin 100 illiyi bütün türk xalqlarının bayramıdır. Türkiyə bu gün türk dünyasının ən böyük və dünyada tanınan güclü dövlətlərdən biri, öz sözünü deyən bir ölkədir”, – deyə S.Qafarova əlavə edib.