Dövlət Gömrük Komitəsinin sədri Şahin Bağırov Salyan şəhərində Salyan, Biləsuvar və Neftçala rayonlarından olan vətəndaşları qəbul edəcək.
“Report” komitəyə istinadən xəbər verir ki, qəbul dekabrın 13-də saat 10:00-da Salyan şəhərindəki Heydər Əliyev Mərkəzində (ünvan: Salyan şəhəri, Təbriz Xəlilbəyli küçəsi, 136) baş tutacaq.
Qəbul zamanı Salyan, Biləsuvar və Neftçala rayon sakinlərinin gömrük məsələləri ilə bağlı müraciətləri dinləniləcək.
Qəbulda iştirak etmək istəyən vətəndaşlar bu link vasitəsilə (https://c2b.customs.gov.az/vsq_muraciet.aspx) qeydiyyatdan keçə bilərlər.
Əlavə məlumat almaq üçün “195” Çağrı Mərkəzi ilə əlaqə saxlamaq tövsiyə olunur.