Azərbaycan Baş nazirinin müavini Şahin Mustafayev Dağıstan Hökuməti sədrinin müavini Rizvan Qazimaqomedov ilə görüşüb.
Bu barədə Teleqraf-a Nazirlər Kabinetindən məlumat verilib.
Görüşdə Azərbaycan və Rusiya arasında əməkdaşlıq çərçivəsində, xüsusilə də ortaq tarixi və mədəni dəyərlərlə bağlı olan Azərbaycan-Dağıstan münasibətlərinin xüsusi önəm daşıdığı vurğulanıb.
Həmçinin, Azərbaycan və Dağıstan arasında əməkdaşlıq münasibətlərinin ticarət-iqtisadi, nəqliyyat-logistika, sənaye kooperasiyası, kənd təsərrüfatı və aqrar sənaye, eləcə də humanitar sahələrdə uğurla inkişaf etdiyi qeyd olunub.
Görüşdə, həmçinin 2023-2025-ci illər üzrə Əməkdaşlığın əsas istiqamətlərinin inkişafına dair Tədbirlər Planının icrası müzakirə olunaraq, əməkdaşlığın genişləndirilməsi məqsədilə perspektivli istiqamətlər üzrə fikir mübadiləsi aparılıb.